ဂျက်စတင်ဘီဘာ ဆိုတဲ့ နာမည်တောင် မကြားချင်တဲ့ ဆယ်လီနာဂိုးမက် အမေ

ဆယ်လီနာဂိုးမက်ဇ် နဲ့ သူ့အမေ Mandy Teefey တို့ နှစ်ယောက် ဂျက်စတင်ဘီဘာနဲ့ ပတ်သက်ပြီး စကားအချေအတင်များခဲ့ပြီးနောက်မှာ ဆယ်လီနာဂိုးမက်ဇ်က သူ့အမေကို ဂျက်စတင်နဲ့ ပတ်သက်ပြီး ယုံကြည်ပေးဖို့ အသနားခံ တောင်းဆိုနေပါတယ်။ ဆယ်လီနာ က သူ့ ချစ်သူ ဂျက်စတင်ဘီဘာ ဟာ ဆိုးသွမ်းတဲ့သူမဟုတ်တော့ဘူး ဆိုတာကို သူ့အမေ ယုံကြည်လာအောင် ပြောဆိုနေတာပါ။

 

“ဆယ်လီနာ က သူနဲ့ ဂျက်စတင် တို့ နှစ်ယောက်ပြန်တွဲတာကို သူ့အမေ ပြန်လက်ခံလိမ့်မယ် ဆိုတဲ့ ယုံကြည်ချက် ရှိတယ်။ သူ့အမေ အတွက် လက်ခံဖို့ အချိန်တော့လိုတယ်။ Mandy က ဆယ်လီနာ နဲ့ ပတ်သက်ရင် ဆတ်ဆတ်ထိ မခံဘူးလေ။ ဆယ်လီနာ နောက်ထပ် နာကျင်တာတွေ မဖြစ်စေချင်ဘူး။ ဒါပေမယ့်လည်း ဆယ်လီနာက စဉ်းစားတတ်တဲ့ အရွယ်ရောက်နေပြီလေ။ သူချစ်ချင်တဲ့သူနဲ့ ချစ်မှာပဲ။ ဆယ်လီနာက ဂျက်စတင်ဘီဘာ ဟာ အရင်ကနဲ့ မတူတော့တဲ့ အကြောင်း နဲ့ သူဆိုးခဲ့ မိုက်ခဲ့တာတွေကို အသိတရားတွေရ အလုပ်တွေလုပ်နေပြီ ဆိုတာကို သူ့အမေ Mandy ကို တတွတ်တွတ် ပြောဆိုနေတယ်လေ။ ဒါပေမယ့် Mandy က လုံးဝ မယုံဘူး။ ဂျက်စတင် ကို မမြင်ချင်ဘူးလို့ ပြောတုန်းပဲ။” လို့ ဆယ်လီနာ့ အတွင်းသိ တစ်ယောက်က ပြောပါတယ်။

ဆယ်လီနာ အနေနဲ့ သူ့အမေက ဂျက်စတင်ကို လူဆိုးလို့ ထင်နေတာကို အမြင်ရှင်းအောင် လုပ်ဖို့တော့ လိုတာပေါ့။ Mandy က ဂျက်စတင်ဘီဘာ ဆိုတဲ့ နာမည်တောင် မကြားချင်ဘူးတဲ့။ ဆယ်လီနာကတော့ ဂျက်စတင်ကို အခွင့်အရေး ထပ်ပေးဖို့ Mandy ကို အတင်းအကျပ် ပြောဆိုနေတာပဲ။ ဒါပေမယ့် အခုတော့ မျှော်လင့်ချက် သိပ်မရှိပါဘူး။ ဆယ်လီနာ ခေါင်းရှုပ်နေရတုန်းပေါ့လေ။”

Ref : hollywoodlife

Facebook Comments

Leave a Reply

Your email address will not be published. Required fields are marked *