အမျိုးသမီးတွေချည်းသာ နေထိုင်ကြတဲ့ ထူးခြားဆန်းပြားတဲ့ မြို့လေး

အမျိုးသမီးတွေချည်းသာ နေထိုင်ကြတဲ့ ထူးခြားဆန်းပြားတဲ့ မြို့လေး
🌠🌠🌠🌠🌠🌠🌠🌠🌠🌠🌠🌠🌠🌠🌠🌠🌠🌠

Brazil ဘရာဇီးနိုင်ငံက အမျိုးသမီးတွေချည်းသာ နေထိုင်ကြတဲ့ ထူးခြားဆန်းပြားတဲ့ မြို့လေးရဲ့ အမည်ကတော့ Noiva do Cordeiro နိုဗာဒိုကော်ဒေရိုမြို့ပဲ ဖြစ်ပါတယ်။ ဒီမြို့လေးမှာ နေထိုင်ကြတဲ့ မြို့ခံဦးရေ ၆၀၀ က အမျိုးသမီးတွေပဲ ဖြစ်ပါတယ်။ ဒီမြို့လေးမှာ တချို့အမျိုးသမီးတွေက အိမ်ထောင်ရှိကြပေမယ့် ခင်ပွန်းသည်တွေကို မြို့မှာမနေစေဘဲ အဝေးမှာ အလုပ်သွားလုပ်ခိုင်းထားကြပြီး ပိတ်ရက်မျိုးကျမှ ခဏပြန်အလည်လာခွင့်ပြုထားတာမျိုးဖြစ်တယ်လို့ သိရပါတယ်။

သားသမီးတွေရလာတဲ့အခါမှာလည်း သမီးဖြစ်သူကို မြို့မှာ အမြဲနေခွင့်ပြုပေမယ့် သားဖြစ်သူတွေကိုတော့ အသက် ၁၈ နှစ်ပြည့်တာနဲ့ အခြားအရပ်ဒေသမှာ သွားနေခိုင်းတဲ့ ထူးခြားတဲ့ ဓလေ့နဲ့ မြို့လေးပဲဖြစ်ပါတယ်။ ၁၈၉၀ ပြည့်နှစ်မှာ အမျိုးသမီးတစ်ဦးကို အိမ်ထောင်ရေးဖောက်ပြန်တယ်လို့ Catholic church ကက်သလစ်ဘုရားကျောင်းက စွပ်စွဲပြီး အဲ့ဒီမိန်းကလေးနဲ့ သူ့ရဲ့မိသားစုကို မြို့ကနေ မောင်းထုတ်လိုက်ကြပါတယ်။ ဒီအမျိုးသမီးနဲ့ မိသားစုက နေရာရွှေ့ပြောင်းခဲ့ရပြီး တဖြည်းဖြည်းနဲ့ အမျိုးသမီးချည်းသီးသန့်လက်ခံတဲ့ မြို့လေး ဖြစ်ပေါ်လာခဲ့ရတာဖြစ်ပါတယ်။

ဒီမြို့လေးမှာ အမျိုးသားတွေရဲ့ အခန်းကဏ္ဍက အလွန်မှေးမှိန်ပြီး လယ်ယာစိုက်ပျိုးတာက အစ ဘာသာရေးကိုးကွယ်ယုံကြည်မှုတွေအထိ အမျိုးသမီးတွေချည်း ကန့်သတ်ချုပ်ချယ်မှုမရှိ လွတ်လပ်စွာ လှုပ်ရှားဆောင်ရွက်ကြတာဖြစ်ပါတယ်။ ဒီမြို့က အမျိုးသမီးတွေက အပြင်က အသိုင်းအ၀ိုင်းက အမျိုးသားတွေနဲ့ ကြုံဆုံချစ်ကြိုက်ဖို့ အခွင့်အရေးအလွန်နည်းပါးပြီး ၀မ်းကွဲအကိုတွေ၊ မောင်တွေလိုမျိုး နီးစပ်ရာ အသိုင်းအ၀ိုင်းထဲက အမျိုးသားတွေနဲ့ပဲ ဖူးစာဆုံလေ့ရှိတယ်လို့ သိရပါတယ်။

Ref; Daily Mail
#Credit_Aung Zaw Htet

Facebook Comments

Leave a Reply

Your email address will not be published. Required fields are marked *